VIDEO- "Ata po kërcejnë në qiell"/ 21-vjeçari përcillet me valle për në banesën e fundit

Një i ri grek është përcjellë me valle për në banesën e fundit.

Në një klimë trishtimi të papërshkrueshëm, të afërm, miq dhe njerëz që e njihnin i dhanë lamtumirën 21-vjeçarit Angelos Peristeris, i cili humbi jetën në një aksident fatal me makinë në Rethymno.

Momentet e mbërritjes së trupit në Kishë ishin veçanërisht prekëse, kur miqtë e tij nga Klubi Folklorik "Horokrites" e nderuan atë me një valle.

Funerali i 21-vjeçarit u zhvillua të premten pasdite, me familjen, të afërmit, miqtë dhe njerëz nga Kreta që e shoqëruan atë në vendin e tij të fundit të prehjes.

Miqtë e tij zgjodhën t'i jepnin lamtumirën me këngën e Nikos Xylouris "Ata kërcejnë në qiell", ndërsa me mbërritjen e trupit ata kërcyen në kujtim të tij, duke krijuar një nga momentet më të ngarkuara të ceremonisë. /PiranjatNews/