VIDEO/ Automjeti në drejtim të kundërt përplaset me makinën e patrullës së policisë, vdesin 7 personat në bord

Makina që u përplas me një automjet policie kishte hyrë në korsinë e kundërt, duke shkaktuar një aksident tragjik ku humbën jetën shtatë persona në Britani, raportoi Sky News. Aksidenti ndodhi në autostradën A66, në zonën South Bank, pranë Middlesbrough, në Teesside, rreth orës 03:39 sipas kohës lokale, bëri të ditur Policia e Cleveland.

Mes viktimave ishin edhe dy efektivë policie. Ngjarja ka shkaktuar dhimbje të madhe te drejtuesja e Policisë së Cleveland, Victoria Fuller, e cila tha: “Askush nuk duhet të largohet nga shtëpia dhe të mos kthehet i sigurt.”

Nis hetimi për ngjarjen

Për shkak se në aksident u përfshi një automjet policie dhe pati viktima, çështja iu referua menjëherë së IOPC, e cila po zhvillon një hetim zyrtar për të përcaktuar rrethanat e sakta të përplasjes.

Ndërkohë, autoritetet u kanë bërë thirrje qytetarëve që të shmangin spekulimet, ndërsa procesi hetimor është ende në zhvillim.

Të gjithë personat në automjete humbën jetën

Sipas njoftimit zyrtar të Policisë së Cleveland, ngjarja tragjike ndodhi kur një automjet tip Volkswagen Passat hyri në korsinë e kundërt të qarkullimit dhe po lëvizte në drejtim të kundërt në autostradë, duke u përplasur kokë më kokë me automjetin e policisë që po lëvizte normalisht në rrugën e tij.

Si pasojë e përplasjes, të gjithë personat që ndodheshin në të dyja automjetet humbën jetën. Në makinën e policisë ndodheshin dy efektivë, ndërsa në Volkswagen Passat ishin pesë persona. Përplasja ishte jashtëzakonisht e fuqishme dhe për pasojë bilanci ishte tragjik.

/PiranjatNews/