Ajo që nisi si një protestë kundër ndërtimit të një resorti luksoz bregdetar në një zonë të mbrojtur &n...
BOTA
VIDEO/ Detaje të reja për vrasjen e gruas që sulmoi me bombë oligarkun ukrainas. Rrëfimi i agjentit sekret dhe "dhoma e torturave"
PiranjatPërditësimi i fundit 7 Korrik 2026, 18:16
Anastasia Berezovskaya, gruaja e dyshuar për kryerjen e një sulmi me bombë në Monako, ku mbetën të plagosur një miliarder ukrainas dhe familja e tij, është gjetur e vdekur me plagë nga arma e zjarrit në kokë.
39-vjeçarja ukrainase ishte në qendër të një hetimi ndërkombëtar, pasi autoritetet besonin se ishte larguar nga principata pasi kishte vendosur një pajisje shpërthyese në hyrje të një pallati apartamentesh më 29 qershor, raportoi BBC.
Sipas Shërbimit të Sigurisë së Ukrainës (SBU), Berezovskaya u gjet e vdekur me plagë të shkaktuara nga arma e zjarrit në kokë, ndërsa dy burra janë arrestuar si të dyshuar për vrasjen e saj.
Kthimi në Ukrainë dhe dy të dyshuarit
SBU bëri të ditur se 39-vjeçarja u kthye në Ukrainë më 1 korrik, dy ditë pas sulmit në Monako. Atje, ajo dyshohet se kontaktoi familjarët e saj, si edhe dy burra: një ish-oficer policie dhe një oficer aktiv të Drejtorisë Kryesore të Inteligjencës pranë Ministrisë së Mbrojtjes së Ukrainës.
Të dy burrat fillimisht u hetuan si bashkëpunëtorë të mundshëm në sulmin në Monako, pasi autoritetet pretendojnë se ata kishin transferuar vazhdimisht para në llogaritë bankare dhe të kriptomonedhave të Berezovskayas.
Më vonë, oficeri i inteligjencës rrëfeu vrasjen e saj, duke pretenduar se e kishte kryer krimin së bashku me një tjetër të dyshuar.
"Dhoma e torturave"
Çështja mori një kthesë edhe më të errët kur, gjatë kontrollit në banesën e ish-oficerit të policisë, autoritetet zbuluan një bodrum që, sipas tyre, "i ngjante një dhome torturash".
"Të dy të dyshuarit u morën në paraburgim nën dyshimin për vrasje me paramendim, të kryer në bashkëpunim."
Hetimet për zbardhjen e plotë të ngjarjes vijojnë.
Kronika e shpërthimit në Monako
Zëvendësprokurori i Monakos, Morgan Raymond, deklaroi se Berezovskaya kishte kaluar disa ditë duke vëzhguar rezidencën e objektivit. Sipas tij, ditën e sulmit, të hënën e kaluar, ajo ishte maskuar si burrë. Autoritetet besonin se Berezovskaya ishte arratisur me një makinë me qira drejt Italisë dhe më pas në Gjermani.
Atje, të enjten, forcat speciale kontrolluan një apartament të marrë me qira nga një grua ukrainase 39-vjeçare, e cila, sipas policisë, ishte “në arrati”, në landin gjerman të Hessenit.
Të premten, Interpoli lëshoi një njoftim të kuq ndaj saj, duke informuar autoritetet policore në mbarë botën se ajo kërkohej si e arratisur për tentativë vrasjeje, vendosje të një pajisjeje shpërthyese në një vend publik me qëllim kriminal dhe pjesëmarrje në një organizatë kriminale. /PiranjatNews/
The SBU confirms the death of Anastasia Berezovska — the perpetrator of the attempted assassination of an oligarch in Monaco
A current GUR employee and a former security official have been detained on suspicion of her murder.
