VIDEO/ Dy oficerët e policisë kapen duke u puthur gjatë shërbimit, nisin hetimet

Dy oficerë policie janë vënë nën hetim në Meksikë, pasi një video ku ata shfaqen tepër të afërt gjatë detyrës është bërë publike.

Dy agjentët e Policisë Komunale të Aguascalientes shihen duke shkëmbyer puthje dhe përqafime, teksa në një moment, i riu i shtrëngon dhe flokët vajzës, pasi ajo duket se e refuzon puthjen e tij.

Sekretariati i Sigurisë Publike Komunale konfirmoi se të dy janë në një marrëdhënie, por theksoi se kjo lidhje nuk justifikon sjellje që mund të konsiderohen të papërshtatshme gjatë kryerjes së detyrave të tyre.

Rasti do të analizohet nga Departamenti i Çështjeve të Brendshme, i cili do të përcaktojë nëse ka pasur gabime lidhur me disiplinën, etikën ose imazhin e institucionit.