VIDEO nga momenti/ E kush e imagjinonte se hajduti do të vidhte në këtë mënyrë unazën 35 mijë eurosh

Një hajdut që u shtir si klient gëlltiti një unazë me vlerë 35 mijë paund në një argjendari, në përpjekje për ta vjedhur, sipas drejtuesve të dyqanit.

Punonjësit e përballën atë dhe burri futi gishtat në fyt, nxori unazën që kishte gëlltitur dhe ua dorëzoi sërish. Unaza e fejesës përmbante një diamant të madh të prerjes "princess", si dhe disa diamante të tjerë më të vegjël të vendosur përgjatë shiritit prej platini.

Punonjësit kuptuan se unaza mungonte, por burri reagoi me zemërim, mohoi çdo përfshirje dhe u kërkoi atyre t’i kontrollonin xhepat. Më pas, drejtuesit e argjendarisë kontrolluan pamjet e kamerave të sigurisë dhe zbuluan se çfarë kishte ndodhur.

Në pamje shihet burri me flokë gri duke e futur unazën në gojë, përpara se dyshohet se e kishte gëlltitur dhe tentoi të largohej. Junaid Hassan, 28 vjeç, i cili drejton biznesin familjar, tha: “Ishte diçka e çmendur. Ende nuk mund ta besoj që ndodhi."

“Unë nuk mund të marr as paracetamol pa ujë, ndaj nuk e di se si ia doli ai. Mund t’i kishte gërvishtur organet e brendshme. Ai fliste normalisht, nuk mund ta kuptoje që unaza ishte brenda tij.

"I kërkuam të na e kthente dhe ai futi gishtat në fyt, pastaj e nxori duke e vjellë." Hajduti i dyshuar kaloi rreth dy orë duke parë unaza në dyqan, në zonën e argjendarive Hatton Garden në qendër të Londrës, përpara se të tentonte të largohej, duke thënë se do të kthehej të nesërmen pasi të merrte një vendim.

Por babai i Junaid-it, Syed, i cili po i shërbente klientit, vuri re se unaza mungonte. Syed, 58 vjeç, tha: "Unë i kërkova me qetësi që ta kthente, por ai filloi të bërtiste dhe të bëhej agresiv." /PiranjatNews/