Kreu i Agjencisë Qendrore të Inteligjencës amerikane (CIA), John Ratcliffe ka paralajmëruar Rusinë të mos sulmojë vendet an...
BOTA
VIDEO/ I vuri zjarrin dy makinave, 32-vjeçari përfundon vetë mes flakëve
PiranjatPërditësimi i fundit 27 Gusht 2026, 19:45
Një ngjarje e pazakontë ka ndodhur në Berkshire të Anglisë, ku një 32-vjeçar i vuri flakën dy automjeteve dhe gjatë sulmit përfundoi vetë i përfshirë nga flakët. Krzysztof Orzechowski dyshohet se sulmoi dy makina të parkuara pranë një banese familjare, duke shkaktuar një zjarr që solli dëme të konsiderueshme në pronë.
Në pamjet e incidentit, 32-vjeçari shihet teksa përpiqet të largohet nga vendi i ngjarjes, ndërsa flakët i kishin përfshirë trupin. Ai arrin të largohet nga zona dhe ngjarja mbetet e filmuar. Gjashtë ditë pas sulmit, policia identifikoi automjetin që lidhej me Orzechowskin dhe tentoi ta ndalonte. Ai nuk iu bind urdhrit dhe u përfshi në një ndjekje policore në rrugët rurale të zonës.
Sipas raportimeve nga mediat e huaja, gjatë ndjekjes, 32-vjeçari arriti shpejtësi deri në rreth 160 km/orë dhe kreu manovra të rrezikshme, duke tejkaluar edhe automjete të tjera. Ndjekja përfundoi pasi ai humbi kontrollin e makinës në një kthesë dhe u përplas. Pavarësisht aksidentit, ai nuk pësoi lëndime serioze dhe u arrestua nga policia.
Orzechowski u shpall fajtor për vënien e zjarrit në dy automjete dhe dëmet e shkaktuara dhe u dënua me 5 vjet e 7 muaj burg. Pamjet e momentit kur ai përfshihet nga flakët gjatë vënies së zjarrit janë publikuar dhe kanë tërhequr vëmendje të madhe.
