VIDEO/ Këndoi këngën hit të vendit të tij në një darkë zyrtare, Kryeministri i Tajlandës bëhet viral

Kryeministri tajlandez Anutin Charnvirakul performoi një këngë në një darkë shtetërore me homologun e tij kinez Li Keqiang në Pekin të martën, shembulli më i fundit i diplomacisë së tij muzikore. Një video e publikuar nga zyra e tij tregon kryeministrin tajlandez të ulur pranë Li-së në një tavolinë të madhe, me mikrofonin në dorë, ndërsa performon një këngë klasike nga këngëtarja tajvaneze Teresa Teng.

Sipas raportimeve nga mediat e huaja, Lee dhe të ftuarit e tjerë, të ulur në një sfond me flamuj tajlandezë dhe kinezë, duartrokasin ritmikisht, duke ndjekur shoqërimin në piano të këngës. Më herët këtë muaj, Anutin luajti këngën klasike të Frank Sinatrës "My Way" së bashku me kryeministrin malajzian Anwar Ibrahim, këtë herë në saksofon ndërsa homologu i tij këndonte.

Gjatë një takimi në Hanoi në qershor, ai kishte luajtur një instrument vietnamez me muzikantë vendas për kënaqësinë e kryeministrit Le Minh Hung. Anutin, i cili mori detyrën në shtator përpara se të fitonte zgjedhjet në shkurt, vjen nga një familje e pasur, me një pasuri në industrinë e ndërtimit, por e paraqet veten si një njeri të popullit. Ky pilot amator reaktiv luan gjithashtu në piano dhe flaut tajlandez. Kohët e fundit, Anutin performoi së bashku me një adoleshent tajlandez, paraqitja e të cilit në America's Got Talent u bë virale.