Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Hong Kongu ka përjetuar tetorin më të ngrohtë të regjistruar ndonjëherë, në një kohë kur fenomeni klimatik &ld...
BOTA
VIDEO/ Lavrov shpërthen ndaj Ursula von der Leyen: “Führer Ursula”, po e çon Evropën drejt nazizmit
PiranjatPërditësimi i fundit 3 September 2026, 18:57
Ministri i Jashtëm rus, Sergei Lavrov, ka lëshuar një nga sulmet më të ashpra verbale ndaj presidentes së Komisionit Evropian, Ursula von der Leyen, duke e quajtur atë “Führer Ursula” dhe duke e akuzuar se po përpiqet të përqendrojë gjithnjë e më shumë pushtet në Bruksel.
Deklaratat u bënë gjatë Forumit Ekonomik Lindor në Vladivostok, ku Lavrov pretendoi se presidentja e Komisionit Evropian po kërkon të marrë kompetenca që, sipas tij, vendet anëtare të Bashkimit Evropian nuk ia kanë deleguar Brukselit.
“Ursula von der Leyen, ne e quajmë ‘Führer Ursula’, po përpiqet të tërheqë drejt Komisionit Evropian ato kompetenca dhe pushtete që, sipas vendimeve të vetë Bashkimit Evropian, nuk i janë transferuar Brukselit, por u përkasin qeverive kombëtare”, deklaroi Lavrov.
Shefi i diplomacisë ruse shkoi edhe më tej, duke e lidhur kursin aktual të Evropës me atë që ai e cilësoi si një rikthim drejt nazizmit. Në këtë kontekst, Lavrov riktheu edhe përplasjet e vjetra mes Moskës dhe Perëndimit për luftën në Ukrainë, energjinë dhe shpërthimet që dëmtuan gazsjellësit “Nord Stream”.
???? Lavrov called Ursula von der Leyen a “Führer” and accused her of trying to “return Europe to Nazism”
The Russian foreign minister brought up old grievances against the West:
A few years ago, when we launched a special military operation, she responded to the question, “So… pic.twitter.com/3UBBlxoPXl
Sipas versionit të paraqitur prej tij, von der Leyen kishte pranuar më herët se qytetarët evropianë do të përballeshin me çmime më të larta të energjisë, por se ky ishte një çmim që duhej paguar për mbështetjen ndaj Ukrainës dhe mbrojtjen e “vlerave evropiane”.
“Votuesit tanë do të vuajnë sepse çmimet e energjisë do të jenë dukshëm më të larta, por ne duhet të vuajmë në mënyrë që populli ukrainas të mund të mbrojë vlerat tona evropiane”, citoi Lavrov deklaratën që ia atribuoi presidentes së Komisionit Evropian.
Ministri rus më pas vuri në shënjestër pikërisht konceptin e “vlerave evropiane”, duke pretenduar se politikat e ndjekura ndaj gjuhës ruse në Ukrainë bien ndesh me to.
“Askush nuk pyeti se cilat janë këto vlera evropiane. Nëse ndalimi me ligj i gjuhës ruse në arsim, kulturë, jetën e përditshme dhe media pasqyron vlerat evropiane, atëherë mirë se vini përsëri në nazizëm për Evropën”, deklaroi Lavrov.
Deklaratat shënojnë një tjetër përshkallëzim të retorikës së Moskës ndaj drejtuesve të Bashkimit Evropian, në një moment kur marrëdhëniet mes Rusisë dhe Evropës mbeten në një prej pikave më të tensionuara që prej nisjes së pushtimit rus të Ukrainës./PiranjatNews/
