Nga data 2 nëntor, shërbimi i dializës realizohet përmes OSHIS, shoqërisë shtetëtore që u ngrit fillimisht për ofr...
BOTA
VIDEO/ Momenti kur 29-vjeçari ecën me shpejtësi rrufe me të dashurën mbi kofanonin e makinës
PiranjatPërditësimi i fundit 4 September 2026, 18:34
Videoja dokumentuese ka regjistruar momentin kur 29-vjeçari në Igumenicë drejton automjetin me shpejtësi të madhe, ndërsa partnerja e tij 24-vjeçare ndodhet mbi kofanon e makinës.
Burri vuri automjetin në lëvizje, ndërsa partnerja e tij ndodhej mbi kofano, pas një debati që kishin pasur mes tyre, dhe nisi të drejtonte makinën me shpejtësi të lartë.
I akuzuari, ndaj të cilit është ngritur akuza për tentativë vrasjeje, u paraqit sot para gjyqtarit hetues dhe, pas shpjegimeve që dha, u vendos në paraburgim.
Sipas informacioneve, gjatë dëshmisë së tij ai pretendoi se nuk kishte pasur qëllim ta vriste apo ta plagoste viktimën. Gjithashtu, ai deklaroi se ndaloi automjetin dhe kërkoi ndihmë sapo kuptoi se ajo ishte plagosur.
Nga ngjarja, e cila ndodhi në orët pas mesnatës së së martës (1 shtator), 24-vjeçarja mbeti e plagosur rëndë. Pasi ra nga kofanoja e automjetit në lëvizje, ajo u tërhoq zvarrë nga makina, duke pësuar dëmtime të rënda. Aktualisht ndodhet e shtruar në reanimacion, me dëmtime në kokë.
Gjendja e të resë cilësohet kritike.
29-vjeçari u arrestua pas plagosjes së rëndë të partneres së tij. Gjatë kontrollit që pasoi, ai iu nënshtrua testit të alkoolit dhe rezultoi se drejtonte automjetin nën efektin e alkoolit.
Autoritetet fillimisht u njoftuan për një ngjarje që ngjante me një aksident automobilistik. 24-vjeçarja u gjet me plagë të rënda dhe fillimisht u transportua në Spitalin e Filatit. Për shkak të rëndesës së plagëve, u vlerësua e nevojshme transferimi i saj në Spitalin Universitar të Përgjithshëm të Janinës.
Ndaj 29-vjeçarit u ngrit procedim penal për tentativë vrasjeje dhe shkelje të Kodit Rrugor. Hetimet e autoriteteve vijojnë për të zbardhur plotësisht rrethanat në të cilat ndodhi ngjarja. /PiranjatNews/
