Kreu i PD Sali Berisha është kthyer në Tiranë pas vizitës në SHBA, ku në një prononcim të shkurtër nga Rinasi ...
BOTA
VIDEO/ Momenti kur droni ukrainas godet anijen cisternë ruse dhe shkakton shpërthimin
PiranjatPërditësimi i fundit 11 Dhjetor 2025, 10:16
Ukraina ka sulmuar një cisternë nga flota famëkeqe në hije e Vladimir Putinit, e cila po shmangte sanksionet. Pamjet tregojnë shpërthimin në pjesën e pasme të anijes gjigante Dashan në Detin e Zi. Shpërthimi në anijen 164,608 tonëshe ndodhi pas sulmeve nga dronë detarë Sea Baby.
Shkalla e dëmit është e paqartë, por të dhënat satelitore tregojnë se cisterna 902 metra e gjatë ndaloi së lëvizuri. Burimet ruse kërkuan menjëherë të implikonin Britaninë në sulmin ndaj një cisterne, që mund të transportonte naftë me vlerë 45 milionë paud.
Kanali i luftës Rybar shkroi: "Ekziston një detaj shumë karakteristik - gjatë sulmit ndaj cisternës, një aeroplan britanik zbulimi RC-135W po operonte në hapësirën ajrore mbi Detin e Zi perëndimor. Menjëherë pas sulmit, aeroplani u drejtua drejt zonës ku ndodhej cisterna. Tani po patrullon paralelisht me Sudakun në bregdetin jugor të Krimesë".
Rusia pretendoi të mërkurën se ky ishte sulmi i katërt ndaj një cisterne ruse në dy javët e fundit. Ukraina kishte pranuar dy raste para anijes Dashan, që besohet se lundron me flamur në Ishujt Komore. Anija ishte sanksionuar nga Perëndimi për përdorimin e saj nga Rusia për të shmangur sanksionet e naftës. Anija ishte nisur për në portin rus të Novorossiysk pa një transponder kur u godit.
Sulmi ndodhi vetëm disa javë pasi dy anije cisternë nga flota në hije e Rusisë u sulmuan nga dronë detarë ukrainas dhe shpërthyen. Pamjet tregojnë anijen pa pilot - të vendosur nga shërbimi sekret i Ukrainës - duke lundruar në Detin e Zi përpara se të përplasej me anijen e madhe.
