16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
BOTA
VIDEO/ Momenti kur polici godet brutalisht gruan e prangosur dhe e përplas në furgon
PiranjatPërditësimi i fundit 16 September 2026, 21:41
Ky është momenti tronditës kur një efektiv policie i jep një goditje të fortë në fytyrë një gruaje të prangosur, teksa e fut me forcë në një makinë policie.
Pamjet dramatike tregojnë gruan teksa kthehet dhe i bërtet një efektivi të policisë, ndërsa ai po e ndalonte. Ai po i mbante krahët dhe gruaja ishte tashmë e prangosur, por papritur e godet në fytyrë, përpara se ta shtyjë nga pas drejt furgonit të policisë.
Në video, gruaja shihet duke refuzuar të hipë në furgon pas arrestimit të saj në Nivelles, Belgjikë. Pamjet kanë shkaktuar zemërim në rrjetet sociale.
Kryetari i Bashkisë së Nivelles, Bernard De Ro, tha se për incidentin ishte nisur një hetim. Ai deklaroi se hetimi do të përcaktojë rrethanat e ngjarjes, përfshirë arsyen përse u përdor forca ndaj gruas.
Nuk dihet qartë se përse gruaja ishte ndaluar. Në pamje të tjera, ajo shihet e mbajtur në tokë pasi dyshohet se ishte përpjekur të largohej me vrap nga policët. Ajo dhe një burrë tjetër u ndaluan pas një përplasjeje mes automjetit të tyre dhe një furgoni.
Policia e akuzoi gruan për rezistencë ndaj arrestimit. Megjithatë, arsyeja e saktë e ndalimit të saj mbetet e paqartë. Një shikues i zemëruar shkroi në X: “Policia nuk ka të drejtë të godasë me shuplakë.” Një tjetër komentoi: “Pikërisht këto sjellje janë arsyeja pse policia nuk respektohet më.” /PiranjatNews/
