VIDEO nga momenti/ I ndaluri bën për spital policin me shkopin e tij të gomës

Pamje të sikletshme tregojnë momentin kur një efektiv policie goditet në kokë me shkopin e tij të gomës gjatë një përleshjeje që shpërtheu gjatë një kontrolli në rrugë.

Videoja tregon dy policë teksa përpiqen të neutralizojnë një burrë në rrugën Soho Road, në lagjen Handsworth, të premten, ndërsa situata degjeneron në përleshje fizike.

Njëri prej policëve shihet teksa, në mënyrë të ngathët, i tërheq këmbën të dyshuarit nga pas, ndërsa kolegu i tij përpiqet ta rrëzojë në tokë. Gjatë përleshjes, dëgjohen policët duke i bërtitur burrit: "Mos bëj rezistencë" dhe "Shtrihu në tokë menjëherë", ndërsa e paralajmërojnë se do të përdorin armën elektrike Taser nëse nuk qetësohet.

Pas rreth një minute e gjysmë përleshjeje, i dyshuari arrin të shkëputet. Ai merr një shkop gome të policisë që kishte rënë në tokë dhe godet një nga efektivët në kokë. Polici rrëzohet në tokë, ndërsa autori hipën mbi një biçikletë elektrike dhe arratiset. Në fund të videos, polici që nuk mbeti i plagosur dëgjohet teksa kërkon një ambulancë.

Një zëdhënës i West Midlands Police deklaroi: "Po hetojmë një incident të ndodhur në rrugën Soho Road, në Birmingham, dhe duam të flasim me Mahroy Stephenson. Gjatë një kontrolli të kryer nga efektivët tanë mëngjesin e djeshëm (të premten), një prej policëve pësoi një dëmtim në kokë. Ai mori trajtim në spital dhe, fatmirësisht, është lënë tashmë të largohet në shtëpi." /PiranjatNews/