Detaje të reja janë zbuluar nga operacioni “Lulet e së keqes” të zhvilluar në Greqi, ku u sekuestruan 84 kg kokainë ...
BOTA
VIDEO/ Pagoi 40 000 dollarë për një kafshë të rrallë, elefanti sulmon për vdekje milionerin amerikan. Pamje nga momenti
PiranjatPërditësimi i fundit 6 Maj 2026, 21:39
Një video tronditëse po bën xhiron e internetit nga momenti kur një elefant i tërbuar shkel dhe vret milionerin amerikan 75-vjeçar, Ernie Dozio, gjatë një safari në Gabon të Afrikës. Në video, elefanti duket se e ka kapur fillimisht Dozion me feçkën e tij dhe më pas e shkel me tërbim disa herë, ndërsa më pas, 75-vjeçari nuk tregon shenja jete.
Incidenti ndodhi gjatë një safari gjuetie në shkretëtirën e vendit afrikan rreth mesit të prillit, ndërsa videoja është publikuar në 24 orët e fundit.
Siç u bë e ditur, Dozio, një gjahtar i apasionuar që mblidhte kafshë të egra si trofe, të cilat i vriste gjatë ekspeditave të tij të gjuetisë nëpër planet, ra viktimë e një tufe të vogël elefantësh të përbërë nga 5 elefantë femra që kishin me vete edhe këlyshët e tyre. 75-vjeçari po merrte pjesë në një ekspeditë gjuetie që synonte një antilopë të rrallë, për të cilën licenca thuhet se kushtoi rreth 40,000 dollarë.
???????????? TRAGEDIA EN ÁFRICA.- Muere el millonario y cazador Ernie Dosio de 75 años de edad, fue pisoteado por una manada de elefantes en Gabón. Cazaba en Okanda cuando fue sorprendido por 5 elefantas con su cría. El guía resultó gravemente herido. pic.twitter.com/mQedWSeTgW
Dozio kishte grumbulluar një koleksion të gjerë trofesh, me koka kafshësh ekzotike që zbukuronin zona të veçanta të shtëpisë së tij në Kaliforni, duke përfshirë elefantë, rinocerontë, luanë, leopardë dhe zebra.
Ai gjithashtu kishte gjuajtur pothuajse çdo lloj dreri në Shtetet e Bashkuara. Ai ishte pronar i Pacific AgriLands Inc., e cila menaxhon 12,000 hektarë vreshta në Kaliforni dhe punon me verari të mëdha.
Njerëzit që e njihnin e përshkruanin si të njohur dhe të dashur në komunitetin e gjuetisë, me aktivitete të rëndësishme filantropike. Sipas dëshmive, "ai kishte gjuajtur që kur mund të mbante një armë" dhe aktivitetet e tij ishin të ligjshme dhe pjesë e programeve të menaxhimit të jetës së egër. Trupi i tij pritet të riatdhesohet në Kaliforni. Ai la pas partneren e tij dhe dy fëmijë.
