VIDEO/ Rrëshqitja masive e dheut në Kinë shkakton 11 viktima, 50 persona raportohen të zhdukur

Një rrëshqitje e dheut që ka ndodhur javën e kaluar në qytetin jugperëndimor kinez të Chongqing ka shkaktuar njëmbëdhjetë viktima, teksa ekziston frika se numri i të vdekurve mund të rritet ndjeshëm pasi rreth 50 persona mbeten të zhdukur.

Sipas raportimeve nga mediat e huaja, rrëshqitja e dheut ndodhi mëngjesin e së premtes, më 17 korrik. Një punëtor vuri re rënien e shkëmbinjve rreth orës 08:00 dhe njoftoi autoritetet, të cilat urdhëruan evakuimin emergjent të më shumë se 60 banorëve.

Ndërsa operacioni i evakuimit ishte në zhvillim e sipër, ndodhi një rrëshqitje e madhe dheu, duke shkatërruar ndërtesa dhe automjete. Videoja e transmetuar nga televizioni kinez tregoi shkëmbinj të mëdhenj që binin mbi shtëpi ndërsa njerëzit vraponin për të shpëtuar jetën e tyre dhe një re e dendur pluhuri ngrihej pas tyre.