16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
BOTA
VIDEO/ SHBA-të godasin tre tankerë iranianë. Pamje nga sulmi
PiranjatPërditësimi i fundit 5 September 2026, 17:18
Ushtria amerikane ka goditur tre cisterna nafte të lidhura me Iranin, në një veprim hakmarrës pas lëshimit të raketave balistike drejt dy anijeve luftarake amerikane në rajon.
Komanda Qendrore e SHBA-së (CENTCOM), përgjegjëse për operacionet ushtarake në rajonin e Lindjes së Mesme, njoftoi të shtunën se kishte “paaftësuar përgjithmonë” një cisternë nafte pranë ishullit iranian Kharg dhe një tjetër pranë Ngushticës së Hormuzit.
Gjithashtu, CENTCOM deklaroi se kishte “shkatërruar plotësisht” një cisternë të tretë në Gjirin e Omanit. Anijet janë “Downy”, “Stark 1” dhe “Kylo”. Ndërkohë, CENTCOM tha se kishte “zmbrapsur me sukses” sulme të shumta nga Trupat e Gardës Revolucionare Islamike (IRGC), të cilat kishin në shënjestër një aeroplanmbajtëse amerikane dhe një shkatërrues me raketa të drejtuara.
Sipas CENTCOM, asnjë pjesëtar i ushtrisë amerikane nuk u lëndua.
“Më lejoni t’i dërgoj një mesazh të qartë IRGC-së: Nëse qëlloni mbi dy nga anijet tona, ne do të vendosim një kosto edhe më të madhe ekonomike, duke shkatërruar tre nga tuajat”, deklaroi admirali Brad Cooper, komandant i CENTCOM.
Ai shtoi se “ne nuk do të hezitojmë të mbrojmë forcat amerikane dhe, nëse është e nevojshme, të shkatërrojmë flotën e kufizuar dhe të cenueshme të cisternave të naftës të Iranit”.
Media shtetërore iraniane kishte konfirmuar se një prej cisternave të saj ishte goditur nga raketat amerikane në brigjet e ishullit Kharg. Sulmet, siç raporton BBC, vijnë pothuajse një javë pas rifillimit të përleshjeve mes SHBA-së dhe Iranit, pas një muaji qetësie relative mes dy palëve ndërluftuese. /PiranjatNews/
“Let the message to the IRGC be clear: If you shoot at two of our ships, we will impose an even higher economic cost —taking out three of yours. We will not hesitate to defend American forces, and if necessary, destroy Iran’s limited and exposed oil fleet.” — Adm. Brad Cooper,… pic.twitter.com/UGGcSGsUtd
