VIDEO/ Shoferja 82-vjeçare e Mercedezit filmohet duke ecur në autostradë në krah të kundërt

Shoferja e makinës që u filmua të dielën duke lëvizur në drejtim të kundërt në Rrugën Kombëtare Athinë-Korint, duke krijuar situata veçanërisht të rrezikshme për drejtuesit e tjerë të automjeteve, është identifikuar.

Sipas informacioneve të fundit, bëhet fjalë për një grua të lindur në vitin 1944, ndërsa është zbuluar se leja e saj e drejtimit kishte skaduar në muajin maj.

Ngjarja ndodhi të dielën, më 16 gusht, rreth orës 13:45, pranë daljes së Magoulës, në drejtim të Korinthit.

Në një video të filmuar nga një motoçiklist dhe publikuar në YouTube, shihet një Mercedes i zi që lëviz në drejtim të kundërt me rrjedhën normale të trafikut, ndërsa automjetet e tjera qarkullojnë në drejtimin e duhur.

Prania e makinës në drejtim të kundërt krijoi kushte veçanërisht të rrezikshme në autostradë, pasi shoferët që normalisht lëviznin drejt Korinthit papritmas u gjendën përballë Mercedesit.

Ende nuk dihet se sa larg përshkroi makina duke ecur prapa, as si përfundoi incidenti. Pas regjistrimit të incidentit, autoritetet filluan kërkimin për shoferin, i cili tani është identifikuar. /PiranjatNews/