VIDEO/ Shpërthim pranë gazetares gjatë raportimit live nga zjarret në Francë, ndërpritet transmetimi

Momente frike janë regjistruar gjatë një lidhjeje direkte nga zonat e përfshira nga zjarret në jugperëndim të Francës, kur një bombol gazi shpërtheu papritur vetëm pak metra larg një gazetareje që po raportonte nga terreni.

Shpërthimi u dëgjua qartë në transmetim, ndërsa sinjali u ndërpre menjëherë për arsye sigurie.

Sipas raportimeve nga mediat e huaja, fatmirësisht, gazetarja dhe ekipi televiziv nuk pësuan lëndime, ndërsa autoritetet vijojnë përpjekjet për të vënë nën kontroll flakët që kanë detyruar mijëra persona të evakuohen nga zonat e rrezikuara.

Zjarret, të favorizuara nga temperaturat e larta dhe thatësira, vazhdojnë të përbëjnë një kërcënim serioz në disa rajone të Francës.