Një studente e Mjekësisë, e cila i është bashkuar protestës përpara Ministrisë së Arsimit, ka ngritur shqetësi...
BOTA
VIDEO/ Stuhia ekstreme e rërës "gëlltit" qytetin kinez! Skena kaosi nga fenomeni i rrallë i motit
PiranjatPërditësimi i fundit 1 June 2026, 18:03
Qyteti i Harbinit në verilindje të Kinës është përfshirë nga një fenomen i rrallë moti, pasi erëra shumë të forta dhe një stuhi e fuqishme rëre goditën zonën të dielën pasdite, duke ulur dukshmërinë në më pak se 100 metra dhe duke errësuar qiellin deri në atë pikë sa dita u duk si natë.
Sipas mediave kineze, shpejtësia e erës arriti nivelin 13 në shkallën kineze të intensitetit, ekuivalente me rreth 130 deri në 150 kilometra në orë. Erërat transportuan sasi të mëdha pluhuri dhe rëre në qytet, duke krijuar kushte të rrezikshme për banorët dhe qarkullimin.
China’s northeastern city of Harbin in Heilongjiang Province has been hit by a rare extreme sandstorm, with a 100‑metre‑high sand wall rolling in and plunging the area into darkness within seconds. pic.twitter.com/NV8z94SUnN
— Al Jazeera Breaking News (@AJENews) June 1, 2026
Meteorologët shpjegojnë se fenomeni u shkaktua nga kombinimi i temperaturave jashtëzakonisht të larta për këtë periudhë të vitit dhe depërtimi i menjëhershëm i masave të ftohta ajrore. Temperaturat në rajon kaluan 30 gradë Celsius, ndërsa në Harbin u regjistrua një maksimum prej 35.3 gradësh, duke krijuar paqëndrueshmëri të fortë atmosferike.
Më vonë, një front i ftohtë që lëvizi nga perëndimi drejt lindjes shkaktoi çlirimin e shpejtë të energjisë së grumbulluar në atmosferë, duke formuar një sistem të fuqishëm stuhish që solli errësim të menjëhershëm të qiellit, erëra të forta dhe stuhi rëre./PiranjatNews/
