VIDEO tronditëse/ Tërmeti shkatërrimtar godet aeroportin në Kolumbi, njerëzit vrapojnë të tmerruar mes kaosit

Imazhe tronditëse janë regjistruar gjatë tërmetit vdekjeprurës me magnitudë 7.4 në Kolumbi, ku numri i viktimave ka shkuar deri më tani në të paktën 110. Tërmeti e kishte epiqendrën në provincën Chocó dhe u ndje deri në kryeqytetin Bogotá, si dhe pranë kufirit me Venezuelën.

Pamje veçanërisht dramatike janë regjistruar në aeroportin e Pereiras, ku në momentin e goditjes skena duket si e shkëputur nga një film katastrofik. Trarët bien, ndërsa pjesë të tavanit të varur shkëputen me forcë dhe përplasen në dysheme, ndërsa njerëzit e tmerruar përpiqen të gjejnë një vend për t'u mbrojtur.

Në një moment, një burrë vendos mbi kokë një çantë që duket si valixhe, duke krijuar një mbrojtje rudimentare nga objektet që bien. Për fat të mirë, në ato momente nuk raportohet se dikush është plagosur.

Në fund të videos shihet dora e burrit që duket se po përpiqet të kapet ose të tërheqë diçka për t'u mbrojtur, ndërsa ai vetë duket se ka përfunduar në tokë nga lëkundjet e fuqishme. /PiranjatNews/