VIDEO/ Ukraina ndryshon "rregullat e lojës" me robotë në fushën e betejës kundër rusëve

Ukraina ka publikuar pamje që pretendohet se tregojnë përdorimin e koordinuar të robotëve luftarakë tokësorë dhe dronëve sulmues gjatë një operacioni në frontin e Huliaipole.

Sipas pretendimeve të Regjimentit të 33-të të Veçantë Sulmues, robotët tokësorë, të pajisur me mitralozë të rëndë Browning M2, vepruan në sinkron me dronët, duke goditur një grup sulmues rus në një nga vendbanimet e vijës së frontit.

Ushtria ukrainase pretendon se gjatë operacionit u shkatërrua një njësi e tërë sulmuese ruse, ndërsa e cilëson aksionin si një shembull të përdorimit të teknologjisë së avancuar në fushën e betejës.

Pamjet e publikuara nuk janë verifikuar në mënyrë të pavarur, ndërsa pala ruse nuk ka komentuar mbi pretendimet e Ukrainës.

Përdorimi i mjeteve tokësore pa ekuipazh, në kombinim me dronët, po shihet gjithnjë e më shumë si një element i rëndësishëm i luftës moderne, me të dyja palët që po investojnë në sisteme autonome për të reduktuar ekspozimin e trupave në vijën e parë të frontit./PiranjatNews/