VIDEO/ Zjarri masiv në Spanjë djeg 280 mijë hektarë tokë, evakuuohen qindra banorë

Një zjarr i përmasave të mëdha ka përfshirë zonën në veri të Madridit, duke djegur më shumë se 280 mijë hektarë tokë dhe duke detyruar qindra banorë të largohen nga shtëpitë e tyre. Flakët, që janë përhapur në rajonin e Guadalajarës dhe në parkun natyror Sierra Norte, vijojnë të jenë të vështira për t’u kontrolluar nga autoritetet.

Zjarri pyjor deri tani nuk ka shkaktuar viktima, por situata mbetet shqetësuese sipas autoriteteve lokale dhe presidentit të rajonit Castilla-La Mancha, Emiliano García-Page, të cilët kanë bërë të ditur se ekipet e emergjencës po punojnë për frenimin e përhapjes së flakëve.

Mediat e huaja bëjnë me dije se rreth 350 zjarrfikës dhe ushtarë nga UME (njësia ushtarake e emergjencës) janë vendosur në zonë, të mbështetur nga 25 avionë, në një përpjekje për të kontrolluar zjarrin, tha stacioni i kontrollit për shtypin.

Ky zjarr është ende larg stabilizimit, njesoj si zjarri i cili shpërtheu të mërkurën pranë Zaragozës, në verilindje, dhe dogji pothuajse 160,000 hektarë sipas vlerësimit të fundit të njoftuar dje, të shtunën, në mbrëmje nga Roberto Bermudez de Castro, përgjegjës për çështjet e sigurisë në qeverinë rajonale të Aragonës.