VIDEO/ Zjarri shkakton bilanc tragjik viktimash brenda pub-it, momenti kur turma vrapon për t’i shpëtuar flakëve

Një zjarr shpërtheu në orët e para të mëngjesit të së hënës (me orën lokale) në një pub në Bangkok, duke u marrë jetën të paktën 27 personave, raportoi Associated Press, duke cituar autoritetet.

Kryeministri tajlandez, Anutin Charnvirakul, deklaroi se hetimet janë në zhvillim për të përcaktuar shkakun e zjarrit. Rrethanat e sakta të ngjarjes mbeten ende të paqarta, por sipas Sky News, flakët kanë shpërthyer në një pub në lagjen Chatuchak të Bangkokut.

Një video që po qarkullon në internet tregon momentin kur klientët e lokalit përfshihen nga paniku dhe vrapojnë drejt daljeve, duke u përpjekur t’u shpëtojnë flakëve.

Sipas mediave lokale, zjarri ka rënë në lokalin Rog Beer Na Lat Phrao, i cili, sipas Sky News, konsiderohet një nga vendet e njohura të argëtimit në kryeqytetin tajlandez. /PiranjatNews/