Vihen nën hetim ish-kryeministri i Turqisë, Ahmet Davutoglu. Akuzohet për fyerje ndaj Erdoganit

Prokuroria e Ankarasë njoftoi se ka nisur një hetim kundër Ahmet Davutoglu, ish-kryeministrit të Turqisë, për veprën penale të fyerjes së Presidentit të Republikës.

Sipas njoftimit të prokurorit, procedurat kanë të bëjnë me postimet në platformat e rrjeteve sociale, të cilat, sipas vlerësimeve të autoriteteve, përfshijnë shprehje që mund të përbëjnë fyerje ndaj presidentit turk.

Mediat e huaja bëjnë me dije se në deklaratën e saj, Zyra e Prokurorit të Ankarasë tha se hetimi do të vazhdojë me kujdes dhe në përputhje me dispozitat e legjislacionit përkatës. Ahmet Davutoglu, i cili shërbeu si kryeministër i Turqisë nga viti 2014 deri në vitin 2016, u largua nga partia në pushtet AKP dhe themeloi Partinë e së Ardhmes, e cila më pas pushoi së ekzistuari.