Vijon bllokada detare/ Huthët godasin me raketa një cisternë nafte saudite në Detin e Kuq
Rebelët Huthi të Jemenit, të mbështetur nga Irani, kanë deklaruar se kanë sulmuar një cisternë saudite nafte pranë brigjeve të Yanbu-së, në pjesën veriore të Detit të Kuq.
Zëdhënësi ushtarak i Huthëve, Yahya Saree, tha në një deklaratë video se grupi kishte goditur “me sukses” cisternën saudite “Wafa” me disa raketa balistike. Sipas tij, kjo ishte anija e tetë e goditur që nga nisja e asaj që Huthët e quajnë bllokadë detare ndaj Arabisë Saudite, e shpallur më 22 korrik.
Huthët nuk publikuan prova të menjëhershme për sulmin, ndërsa autoritetet saudite nuk kanë konfirmuar deri tani dëmtimin e ndonjë cisternë nafte.
Tensionet në Detin e Kuq dhe Gjirin e Adenit janë rritur ndjeshëm, pasi Huthët kanë intensifikuar sulmet ndaj anijeve tregtare dhe energjetike, duke pretenduar se veprimet e tyre lidhen me konfliktet rajonale dhe mbështetjen për aleatët e tyre.
Sulmet ndaj trafikut detar në këtë zonë kanë ngritur shqetësime ndërkombëtare për sigurinë e furnizimeve globale me naftë dhe për lirinë e lundrimit në një nga korridoret më të rëndësishme tregtare në botë
Lexo edhe
BOTA
Një burrë i armatosur arrestohet pranë fushës së golfit të Trump-it
Natë terrori në Kiev, raketat ruse godasin zonat e banuara, 17 viktima
Tentuan të futen në bazën ushtarake amerikane, arrestohen 8 studentë në Korenë e Jugut
Mediat spanjolle: Autoritetet kanë identifikuar xhihadistë të dyshuar midis të mbërriturve në Ceuta
Finlanda do ndërtojë depon e parë të përhershme të mbetjeve bërthamore në botë
Një tërmet me magnitudë 6.4 ballë godet brigjet jugore të Filipineve
SHBA, Irani dhe Omani pranë marrëveshjes për rihapjen e Ngushticës së Hormuzit?
Rivali kryesor i Zelensky-t: Ukraina nuk do t’i bashkohet kurrë NATO-s!
