Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
BOTA
Vrau nënën, vëllanë, mësuesen dhe 6 nxënës, identifikohet autorja 18-vjeçare që lindi djalë
PiranjatPërditësimi i fundit 11 February 2026, 22:53
Policia kanadeze identifikoi të mërkurën personin që kreu masakrën në shkollë si një 18-vjeçare me probleme të shëndetit mendor, por nuk dha një motiv për njërën nga të shtënat masive më të këqija në historinë e Kanadasë.
Vrasësja, të cilin policia e identifikoi si Jesse Van Rootselaar, kreu vetëvrasje pas të shtënave të martën në Tumbler Ridge, një komunitet i largët në provincën e Paqësorit të British Columbia. Policia e uli numrin e të vdekurve në nëntë nga 10 të raportuar fillimisht.
"Policia kishte vizituar atë banesë (familjare) në disa raste gjatë viteve të fundit, duke u marrë me shqetësime për shëndetin mendor në lidhje me të dyshuarin tonë", tha Zëvendës Komisioneri Dwayne McDonald, komandant i Policisë Mbretërore Kanadeze në British Columbia.
McDonald tha se Van Rootselaar, e cila lindi mashkull, por filloi të identifikohej si femër gjashtë vjet më parë, kishte vrarë fillimisht nënën e saj, 39 vjeç, dhe vëllanë 11-vjeçar nga njerka në shtëpinë e familjes.
Më pas ajo shkoi në shkollë, ku qëlloi një mësuese 39-vjeçare, si dhe tre nxënëse 12-vjeçare dhe dy nxënës meshkuj, një 12 vjeç dhe një 13 vjeç.
"Ne besojmë se i dyshuari veproi i vetëm... do të ishte shumë herët për të spekuluar mbi motivin", tha ai në një konferencë për shtyp.
Më herët gjatë ditës, kryeministri Mark Carney, dukshëm i mërzitur, premtoi se kanadezët do ta përballonin atë që ai e quajti një të shtënë "të tmerrshme".
Carney, i cili ka shtyrë një udhëtim në Evropë, tha se kishte urdhëruar që flamujt në të gjitha ndërtesat qeveritare të ulen në gjysmë shtizë për shtatë ditët e ardhshme. "Do ta kalojmë këtë. Do të mësojmë nga kjo", u tha ai gazetarëve, në një moment dukej gati për të qarë.
"Por tani, është koha për t'u bashkuar, siç bëjnë gjithmonë kanadezët në këto situata, këto situata të tmerrshme, për të mbështetur njëri-tjetrin, për të vajtuar së bashku dhe për t'u rritur së bashku."
Disa udhëheqës të shquar botërorë dërguan mesazhe ngushëllimi. Mbreti Charles, kreu i shtetit të Kanadasë, tha se ishte "thellësisht i tronditur dhe i trishtuar" nga vdekjet.
Të shtënat
Të shtënat renditen ndër më vdekjeprurëset në historinë kanadeze. Kanadaja ka ligje më të rrepta për armët sesa Shtetet e Bashkuara, por kanadezët mund të zotërojnë armë zjarri me leje.
Në prill të vitit 2020, një burrë 51-vjeçar i maskuar me uniformë policie dhe që drejtonte një makinë të rreme policie qëlloi dhe vrau 22 persona në një tërbim 13-orësh në provincën Atlantike të Nova Scotia, përpara se policia ta vriste atë në një pikë karburanti.
Në të shtënat më të rënda në një shkollë në Kanada, në dhjetor të vitit 1989, një person i armatosur vrau 14 nxënëse dhe plagosi 13 të tjera në në Montreal, Quebec, përpara se të kryente vetëvrasje.
"Nuk ka asnjë fjalë në gjuhën angleze që është mjaftueshëm e fortë për të përshkruar nivelin e shkatërrimit që ka përjetuar ky komunitet", tha Larry Neufeld, një ligjvënës vendas provincial. /PiranjatNews/
