Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
BOTA
Vritet një anëtar i misionit të OKB-së në Liban, plagosen disa të tjerë! Guterres: Sulmi ndaj paqeruajtësve, shkelje e së drejtës ndërkombëtare
PiranjatPërditësimi i fundit 30 March 2026, 10:11
Misioni paqeruajtës i OKB-së në Liban (UNIFIL) tha se një paqeruajtës u vra kur një predhë shpërtheu në një nga pozicionet e tij pranë fshatit Adchit al-Qusayr në jug të Libanit të dielën. Disa të tjerë raportohet se u plagosën, njëri prej të cilëve theksohet se është në gjendje të rëndë, sipas Reuters.
Anëtari i misionit të OKB-së ishte nga Indonezia, bëri me dije ministria e Jashtme e vendit në një deklaratë, duke shtuar se të plagosur mbetën edhe tre të tjerë nga zjarri i artilerisë në afërsi të kontingjentit indonezian të UNIFIL-it.
“Nuk e dimë origjinën e predhës. Kemi nisur një hetim për të përcaktuar të gjitha rrethanat”, tha UNIFIL.
Sekretari i Përgjithshëm i OKB-së, Antonio Guterres e dënoi ashpër incidentin, duke thënë se sulmet ndaj paqeruajtësve janë shkelje të rënda të së drejtës ndërkombëtare humanitare dhe mund të përbëjnë krime lufte. Ai bëri thirrje për përgjegjësi dhe u kërkoi të gjitha palëve të sigurojnë sigurinë e personelit të OKB-së.
UNIFIL është i stacionuar në Libanin jugor për të monitoruar armiqësitë përgjatë vijës së demarkacionit me Izraelin, një zonë që është në zemër të përleshjeve midis trupave izraelite dhe luftëtarëve të Hezbollahut të mbështetur nga Irani.
