Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
BOTA
Vritet një vajzë 9-vjeçare në Londër, arrestohet adoleshenti si autori i dyshuar
PiranjatPërditësimi i fundit 16 December 2025, 17:08
Policia britanike ka arrestuar një djalë adoleshent nën dyshimin për vrasje pas vdekjes tragjike të një vajze nëntëvjeçare në Somerset. Ngjarja e rëndë ka ndodhur të hënën në mbrëmje, kur shërbimet e emergjencës u njoftuan mbi ngjarjen duke i adresuar në Lime Close, në zonën Mead Vale të Weston-super-Mare, në orën 6:09.
Lidhur me këtë ngjarje një adoleshent është arrestuar si autori i dyshuar dhe aktualisht ndodhet në paraburgim. Policia britanike ka theksuar se hetimet jane ende në fazë fillestare pasi ende nuk janë zbardhur shkaqet dhe rrethanaat që kanë sjellë fundin tragjik të të miturës.
Ndërkohë, policia ka rrethuar vendin si dhe ka nisur kontrolle në disa prej shtëpive përreth. Mbikëqyrësja Jen Appleford e policisë së Avon dhe Somerset ka theksuar se kjo ngjarje ka tronditur të gjithë Weston-super-Mare, duke shprehur ngushëllimet ndaj familjes së vajzës.
“Ngushëllimet tona të sinqerta i shkojnë familjes dhe do të sigurohemi që ata të marrin mbështetje.”, ka thënë Appleford.
Ajo ka njoftuar gjithashtu se procesi i identifikimit të viktimës ende nuk ka përfunduar dhe se një ekzaminim pas vdekjes do të kryhet për të zbuluar shkakun e vdekjes.
