Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
BOTA
Vuçiç: Ne do ta bëjmë punën për kriteret e BE, por edhe do ta mbrojmë veten tonë
PiranjatPërditësimi i fundit 2 June 2026, 14:44
Presidenti serb, Aleksandër Vuçiç, ndërsa e kthen vendin e tij në një portë kyçe për Kinën, thotë se Evropa po shkon drejt rrënimit ekonomik për shkak të vetëkënaqësisë dhe produktivitetit të ulët.
Në një intervistë për Bloomberg pas kthimit nga Pekini me më shumë se një miliard dollarë investime të premtuara për Serbinë, Vuçiç tha se shumë pengesa e ndërlikojnë rrjedhën e investimeve midis Evropës, Kinës dhe SHBA-së.
“Proteksionizmi po vret, në fund të fundit, Evropën”, shtoi tha ai.
Në raport thuhet se gjatë 12 viteve të qeverisjes të Vuçiçit, Serbia u bë një nga pikat kryesore të hyrjes për Kinën në Evropë. Investimet kineze në Serbi pothuajse i kanë arritur ato të BE-së, të cilit Vuçiç ende synon t’i bashkohet, megjithëse anëtarësimi tani është më pak popullor në mesin e popullit serb se kurrë më parë.
“Ne do ta bëjmë punën tonë (lidhur me kriteret e BE-së). Por ndërkohë duhet të kujdesemi për veten tonë. Nuk mund të presim përgjithmonë”, tha ai.
Vuçiç tha gjithashtu se politikanët evropiane duhet të marrin një vendim të guximshëm dhe të vazhdojnë me zgjerimin e Unionit.
“Jemi në rrugën drejt BE-së dhe nuk ka rëndësi se çfarë lloj presioni do të përballemi për shkak të tij. Ne do të qëndrojmë në atë rrugë”, tha ai për Bloomberg.
