Zelensky kundër zgjedhjeve gjatë luftës: Do të përçanin Ukrainën!

Presidenti ukrainas Volodymyr Zelensky ka kundërshtuar zhvillimin e zgjedhjeve gjatë luftës me Rusinë, duke paralajmëruar se një proces i tillë do të sillte përçarje të thellë në vend.

Deklarata e presidentit vjen pas thirrjes së ish-ministrit ukrainas të Mbrojtjes, Mykhailo Fedorov, për zhvillimin e zgjedhjeve edhe gjatë luftës.

Fedorov, i shkarkuar nga detyra në korrik, ka argumentuar se Ukraina duhet të rikthejë procesin demokratik dhe të përballet me problemet e qeverisjes dhe korrupsionit.

Zelensky, megjithatë, e konsideron zhvillimin e zgjedhjeve në kushtet aktuale si një rrezik serioz për unitetin e vendit. Sipas tij, lufta dhe gjendja e jashtëzakonshme krijojnë kushte të papërshtatshme për një proces zgjedhor normal.

“Zgjedhjet tani janë një cunam për vendin që do ta përçajë Ukrainën”, deklaroi Zelensky.

Në Ukrainë, zgjedhjet janë pezulluar gjatë gjendjes së luftës. Parlamenti ukrainas e ka zgjatur gjendjen e jashtëzakonshme dhe mobilizimin deri më 31 tetor 2026.