Deklaratat e Zelenskyt në Serbi për mos njohjen e Kosovës, deputeti ukrainas kritikon presidentin: Gabim diplomatik!

Deputeti ukrainas, Oleksiy Goncharenko, i cili është edhe iniciues i Projektligjit për njohjen e Kosovës në Parlamentin e Ukrainës, ka reaguar pas deklaratës së  presidentit të Ukrainas Volodymyr Zelensky në Beograd, se Ukraina nuk do ta ndryshojë qëndrimin për mosnjohje të pavarësisë së Kosovës.

Deputeti ukrainas në një postim në rrjetin social “X” publikoi deklaratën e Zelenskyt, duke e cilësuar atë si një gabim diplomatik.

Ai theksoi më tej se ukrainasit dhe vetë ai e mbështesin pavarësinë e Kosovës dhe besojnë se Ukraina duhet ta njohë shtetin.

“Ky është një gabim diplomatik. Ukrainasit mbështesin pavarësinë e Kosovës dhe ne besojmë se Ukraina duhet  ta njohë shtetin. Unë do të vazhdoj të luftoj për pavarësinë e Kosovës dhe përfundimisht Ukraina do ta njohë atë”, shkroi Goncharenko.