16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
KOSOVA
Dënimi i ish-krerëve të UÇK-së/ Zv.kryeministri shqiptar i Malit të Zi: Vendim i padrejtë, procesi nuk ka përfunduar
PiranjatPërditësimi i fundit 16 September 2026, 23:01
Zv.kryeministri shqiptar i Malit të Zi, Nik Gjeloshaj, ka reaguar pas aktgjykimit të Dhomave të Specializuara të Kosovës në Hagë ndaj ish-krerëve të UÇK-së.
Përmes një reagimi në Facebook, Gjeloshaj e cilësoi vendimin si “jashtëzakonisht të padrejtë”, duke theksuar se bëhet fjalë për një vendim të shkallës së parë dhe se procesi gjyqësor vijon.
“Lajm shumë i keq dhe një vendim jashtëzakonisht i padrejtë! Sot mund të jetë ditë zie për shqiptarët, por qëndrimi dinjitoz i të akuzuarve i jep forcë popullit shqiptar që ta përballojë këtë dhimbje, me besimin se ky aktgjykim i tmerrshëm do të rrëzohet në instancat më të larta”, shkroi Gjeloshaj.
Ai u shpreh se beson që në përfundim të procesit do të dëshmohet pafajësia e të akuzuarve, ndërsa e cilësoi luftën e UÇK-së si “vetëmbrojtëse, çlirimtare dhe të drejtë”.
“Lufta e UÇK-së ishte vetëmbrojtëse, çlirimtare dhe e drejtë. Ishte luftë për mbijetesën, lirinë dhe shtetin e Kosovës, e përkrahur nga aleatët tanë perëndimorë”, tha ai. Gjeloshaj theksoi gjithashtu se ish-krerët e UÇK-së i kanë respektuar institucionet ndërkombëtare të drejtësisë dhe se do ta vijojnë betejën ligjore.
“Shqiptarët dhe vetë të akuzuarit i kanë respektuar institucionet ndërkombëtare. Ata as nuk kanë ikur, as nuk janë fshehur, por janë paraqitur para drejtësisë dhe do ta vazhdojnë betejën e tyre ligjore deri në fund”, përfundoi ai.
