16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
KOSOVA
Dënimi i ish-krerëve të UÇK-Vendimi i Hagës/ Thirrje për protesta më të fuqishme, griset flamuri i BE
PiranjatPërditësimi i fundit 16 September 2026, 13:57
Kryetari i Shoqatës Atdhetare për Bashkim dhe Identitet Kombëtar, Kristaq Ziu ka reaguar në një deklaratë për mediat, në lidhje me vendimin e Gjykatës Speciale në Hagë për katër ish-luftëtarët e UÇK-së.
Pas deklaratës, në mënyrë demonstrative, Ziu ka grisur flamurin e Bashkimit Europian, ndërsa ka bërë thirrje për një reagim më të fortë publik.
Sipas tij, nuk duhet të ketë më protesta të qeta në Prishtinë dhe Shqipëri, por protesta më të fuqishme, për të kundërshtuar vendimin e dhënë në Hagë.
Deklarata vjen në një kohë kur vendimi ndaj katër ish-pjesëtarëve të UÇK-së ka shkaktuar reagime të forta në Kosovë dhe Shqipëri.
Gjykata Speciale dënoi me nga 25 vjet burgim Hashim Thaçin e Jakup Krasniqin, me 18 vjet burgim Kadri Veselin dhe me 13 Rexhep Selimin. Ish-udhëheqësit e Ushtrisë Çlirimtare të Kosovës u dënuan për krime lufte, përfshirë ndalim të paligjshëm ose arbitrar, trajtim mizor, torturë dhe vrasje të paligjshme.
Specialja ka konstatuar se të katër ishin përgjegjës për ndalimin arbitrar të 385 personave, trajtimit mizor kundër 49 personave, torturës kundër 303 personave dhe vrasjes së paligjshme kundër 96 personave.
Ata u shpallën të pafajshëm për krime kundër njerëzimit pasi nuk u vërtetua dyshimi se kanë kryer sulme ndaj popullatës civile. Gjithashtu të akuzuarit u shpallën të pafajshëm në lidhje me një numër incidentesh krime lufte.
