16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
KOSOVA
Djali i Jakup Krasniqit: Nuk dorëzohemi, të bashkohemi të gjithë shqiptarët e partitë politike!
PiranjatPërditësimi i fundit 18 September 2026, 12:59
Altin Krasniqi, djali i ish-kryetarit të Kuvendit të Kosovës, Jakup Krasniqi, ka bërë thirrje për unitet dhe vijim të përpjekjeve për drejtësi pas vendimit të Dhomave të Specializuara të Kosovës në Hagë ndaj katër ish-drejtuesve të UÇK-së.
Duke folur para qytetarëve të mbledhur në protestë, Krasniqi deklaroi se vendimi i Gjykatës nuk duhet parë vetëm si një çështje që lidhet me katër persona, por si një zhvillim që, sipas tij, prek edhe historinë dhe sakrificën e popullit të Kosovës.
Ai shprehu mirënjohje për mbështetjen e treguar ndaj familjeve të të akuzuarve dhe theksoi se lufta e UÇK-së, në këndvështrimin e tij, ishte një përpjekje për liri dhe dinjitet.
Krasniqi tha se nuk duhet të ketë dorëzim përballë situatës së krijuar dhe se brezat e ardhshëm do t’i gjykojnë qëndrimet e shoqërisë ndaj kësaj çështjeje.
“Do të vazhdojmë të kërkojmë drejtësi”, deklaroi ai, duke nënvizuar se mbështetja dhe përpjekjet duhet të vijojnë.
Në përfundim të fjalës së tij, Altin Krasniqi iu drejtua shqiptarëve dhe partive politike me thirrjen që të lënë mënjanë përplasjet politike dhe të bashkohen rreth kërkesës për drejtësi.
Lahi Brahimaj, Fatmir Limaj, Sylejman Selimi, Rrustem Mustafa, Latif Gashi, Shukri Buja dhe Sabit Geci nuk ishin të pandehur, por emrat e tyre u për...
