E trishtë!/ Gjendet pa shenja jete ish-drejtori i Alsat TV, Lirim Hajredini në RMV, dyshimet e para për ngjarjen

Trupi i pajetë i Lirim Hajredinit është gjetur mëngjesin e sotëm pranë qendrës tregtare Mavrovka. Hajredini ka shërbyer për më shumë se 16 vjet si drejtor operativ i televizionit Alsat, ndërsa ishte një menaxher me përvojë në sektorin e medias, me ekspertizë në marketing, strategji biznesi dhe prodhim televiziv.

Sipas informacioneve paraprake, dyshohet se bëhet fjalë për vetëvrasje. Megjithatë, rrethanat e ngjarjes ende nuk janë konfirmuar zyrtarisht dhe po hetohen nga autoritetet.

Vendi i ngjarjes është siguruar nga policia, ndërsa trupi i pajetë pritet t’i nënshtrohet autopsisë, e cila do të ndihmojë në përcaktimin e shkaqeve dhe rrethanave të vdekjes.