Banorët e fshatit Cizmel në Shijak kanë protestuar për mungesën e rrugës që lidh tokat e tyre bujqësore.
Sipas banor&...
KOSOVA
Kaos dhe përplasje fizike në Kuvendin e Kosovës/ Opozita bllokon aktivitetin me mërgatën: Po boni hajgare me neve, thirre seancën, dil jashtë
PiranjatPërditësimi i fundit 12 Gusht 2026, 14:33
Salla e seancave plenare në Kuvendin e Kosovës është përfshirë nga tensione të forta gjatë aktivitetit të përvitshëm me bashkatdhetarët e mërgatës.
Përplasja nisi pasi ministrja në detyrë e Drejtësisë dhe deputetja e Lëvizjes Vetëvendosje, Donika Gërvalla, hyri në sallë për të takuar mërgimtarët, ku u përball me opozitën.
Deputetet e Partisë Demokratike të Kosovës, Blerta Deliu, Eliza Hoxha dhe Ganimete Musliu, i janë afruar duke i kërkuar me ton të ashpër thirrjen e seancës konstituive, “Thirre seancën! Boll më me performanca, thirre seancën!”
Gërvalla i është përgjigjur duke i ftuar për dialog, “Ejani në takim, pse s’po vini, pse po tuteni?”
Situata është përshkallëzuar më tej kur deputeti i PDK-së, Artan Behrami, e ka akuzuar Gërvallën se ka dërguar dosje kundër UÇK-së në Gjykatën Speciale, pretendim të cilin ajo e hodhi poshtë duke iu përgjigjur, “Mos rrej”. Në këtë moment, deputetja Ganimete Musliu e ka lagur Gërvallën me ujë.
Debati dhe përplasjet verbale nuk kanë ndaluar me ministren Gërvalla, por janë shtrirë edhe te deputetët e tjerë të Vetëvendosjes, si Ardian Gola dhe Arbërie Nagavci, ndaj të cilëve deputetët e PDK-së përsëritën kërkesën për thirrjen e seancës. Për shkak të kaosit dhe përplasjeve të vazhdueshme brenda sallës plenare, aktiviteti i Kuvendit me pjesëtarët e mërgatës është pezulluar përkohësisht.
