Kaos dhe rradhë kilometrike/ Emigrantët bllokohen në pikën kufitare mes Kroacisë dhe Serbisë, kërkojnë informacion mbi arsyet e ndalimit

Një situatë kaosi është krijuar që prej orëve të para të mëngjesit në pikën kufitare mes Kroacisë dhe Serbisë, ku dhjetëra emigrantë kanë mbetur të bllokuar. Kjo situatë ka ardhur pasi autoritetet kroate kanë ndaluar lëvizjen e automjeteve dhe autobusëve drejt kufirit serb. Bëhet me dije se bllokimi ka nisur që në orën 02:00, ndërsa vijon edhe në këto momente.

Kjo ka sjellë rradhë të gjata të automjeteve, ndërsa temperaturat e larta po përkeqësojnë situatën. 

Në kufi ndodhen emigratë, gra, të moshur dhe fëmijë, të cilët po përballen me pritje të gjatë, temperatura të larta dhe mungesë ushqimi. Emigrantët shprehen se autoritetet kroate dhe ato serbe nuk japin asnjë informacion pse i kanë bllokuar. 

Ata kërkojnë një zgjidhje sa më të shpejtë të situatës dhe u bëjnë thirrje autoriteteve përkatëse që të japin informacion mbi arsyet e bllokimit. Kjo pasi, familjet e tyre nuk mund të presin ende në temperatura të larta.