Gratë janë ende të nën-përfaqësuara në politikën amerikane, por në zgjedhjet më 3 nëntor, ato mund t&eum...
KOSOVA
Kriza politike në Kosovë, LDK-ja së shpejti me emër për president
PiranjatPërditësimi i fundit 25 August 2026, 18:01
Deputeti i Lidhjes Demokratike të Kosovës, Ukë Rugova deklaroi se së shpejti do të ketë një emër të një presidenti konsensual.
Rugova ka thënë se një gjë e tillë shpreson që të ndodhë së shpejti, teksa është shprehur se vetë ai nuk është në këtë fazë për të qenë emër për këtë post.
“Besoj që shpejt do të kemi një emër të një presidenti konsensual. Uroj që të jetë gjatë kësaj jave, ashtu siç e tha edhe kongresisti DeGuardi, dhe besoj që si popull kemi mjaft emra të përgatitur për të qenë president. Unë nuk jam, atë e vendos dikush tjetër, por vet nuk jam në këtë fazë. Ne jemi në shërbim të popullit të Kosovës dhe jemi të gatshëm për të gjitha, por jo në këtë fazë. Besoj që ka emra të tjerë më të mirë e më të përgatitur për t’i shërbyer në këtë fazë Kosovë”, ka thënë Rugova për KosovaPress.
Lidhja Demokratike e Kosovës dhe Lëvizja Vetëvendosje po vazhdojnë diskutimet për çështjen e zgjedhjes së presidentit.
Në fillim të bisedimeve, LDK-ja pati instistuar që posti i presidentit t’i takojë kësaj partie, si balancë demokratike.
E në takimin e fundit që Kurti e pati me Abdixhikun, Vjosa Osmanin dhe Lutfi Hazirin, u deklaruan se janë pajtuar për profilin e presidentit të ardhshëm të vendit dhe se në takimin e radhës do të shkojnë me emra konkret.
