Partia Demokratike ka dorëzuar një kërkesë për ndryshimin e Rëndit të Ditës.
Grupi parlamentar i PD kërkon q&eum...
KOSOVA
“Pse Vuçiç nuk është thirrur në Hagë?” Walker: I mërzitur e zhgënjyer nga BE, vendosi shenjën e barazimit me tmerret serbe
PiranjatPërditësimi i fundit 16 Shtator 2026, 22:25
Një moment të keq për Kosovën, të gjithë Ballkanin dhe Europën e ka konsideruar ish-shefi i misionit të OSBE-së në Kosovë William Walker vendimin e sotëm të Dhomave të Specializuara në Hagë që dënoi me 81 vjet burg në total 4 ish-krerët e UÇK-së.
Në Off the Record me Andrea Dangllin në A2 CNN, ai tha se procesi ka qenë keqmenaxhim i drejtësisë që nga fillimi.
“Një trishtim i plotë është një moment i keq për Kosovën, të gjithë Ballkanin dhe Europën në përgjithësi. Procesi që nga fillimi ka qenë keqmenaxhim i drejtësisë. Procesi që zgjati 10 vite hetim nga zyra e prokurorit special, 6 vite nga të cilat 4 ishin në izolim pa asnjë lloj lirie përveç një dite për Thaçin kur iu lejua të shkonte në varrimin e babait.
Por përveç kësaj ata janë gjetur fajtorë në një kthim të historisë. Në 6 vite ata janë mbajtur në paraburgim sikur të ishin të fajshëm”.
Ai shprehu zhgënjimin me Bashkimin Europian sipas të cilit ka vënë shenjën e barazimit me tmerret e Serbisë, ndërkohë që nuk e ka thirrur presidentin serb në Hagë për të dëshmuar. Sipas tij ai ende kryen ritet që ka bërë si ministër i propagandës në kohën e Millosheviçit.
