Sherr mes deputetëve në Kuvendin e Kosovës/ Deputetja e AAK gjuan me vezë drejt Kurtit! Tensione në seancën konstituive 

Ka rinisur punimet seanca konstituive e Kuvendit të Kosovës, e cila ka startuar më 6 gusht. Seanca po drejtohet nga kryesuesi Avni Dehari, ndërsa në sallë janë të pranishëm 109 deputetë.

Raportohet se situata është shoqëruar me tensione pasi deputetja e AAK, Time Kadriaj ka goditur me vezë drejt kryeministrit në detyrë, Albin Kurti, duke nxitur përplasje mes të gjithë deputetëve në sallë.

Pavarësisht tensioneve dhe kaosit të krijuar në përplasjen mes parlamentarëve, seanca e sotme është thirrur për të shqyrtuar vetëm dy pika kyçe në rendin e ditës:

-Zgjedhjen e Kryetarit të Kuvendit;

-Zgjedhjen e Nënkryetarëve të Kuvendit.

-Zgjedhja e kryesisë së re shihet si hapi vendimtar për t’i hapur rrugë konstituimit të plotë të Kuvendit dhe vazhdimësisë së krijimit të institucioneve të reja në vend.