16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
KOSOVA
Sulo: Nëse dënohet Thaçi, ndodh rehabilitimi i serbëve në gjeopolitikë
PiranjatPërditësimi i fundit 10 September 2026, 22:58
Analisti Arion Sulo ka ngritur pikëpyetje mbi procesin gjyqësor ndaj ish-presidentit të Kosovës, Hashim Thaçi, duke argumentuar se përfshirja e tij në krimet konkrete duhet të provohet dhe se procesi nuk duhet të ndikohet nga faktorë politikë.
Në një intervistë për Euronews Albania, Sulo tha se sipas tij, që në krijimin e Gjykatës Speciale ka ekzistuar një kontekst politik, duke iu referuar edhe raportit të Dick Martyt dhe akuzave të ngritura në atë periudhë ndaj pjesëtarëve të UÇK-së.
“Konteksti që nga krijimi i gjykatës penale ishte politik. Dosja e famshme e Dick Martyt ishte e qëllimtë për të arritur te krijimi i gjykatës”, tha Sulo.
Ai ngriti pikëpyetje edhe mbi mënyrën se si mund të provohet përgjegjësia komanduese e Thaçit në kushtet në të cilat funksiononte UÇK-ja gjatë viteve .
Sipas Sulos, çështja kryesore mbetet lidhja konkrete mes drejtuesve politikë apo ushtarakë dhe urdhrave për kryerjen e krimeve për të cilat akuzohen.
“Çfarë do të thotë një dënim i Thaçit dhe ish-komandantëve? Çfarë do të thotë për historinë tonë, për ne shqiptarët, shqiptarët e Kosovës, Kosovën? Patjetër që është një gjë e rëndë, patjetër që është një problem me historinë”, tha Sulo.
Ai shtoi se një vendim i tillë do të krijonte një rekord ndërkombëtar mbi mënyrën se si paraqitet lufta e UÇK-së.
“Ata duan të bëjnë, të lënë një rekord që ja kush është lufta, domethënë, cila është lufta juaj?”, deklaroi Sulo, duke e lidhur këtë edhe me atë që ai e cilësoi si një rehabilitim të palës dhe narrativës serbe në raport me historinë e luftës në Kosovë.
