16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
KOSOVA
Zgjidhet misteri 1600-vjeçar i Shën Sofisë në Stamboll
PiranjatPërditësimi i fundit 17 September 2026, 18:25
Miti urban për ekzistencën e një kalimi të gjerë nëntokësor nën Shën Sofinë në Stamboll është konfirmuar nga ministri turk i Kulturës dhe Turizmit, Mehmet Nuri Ersoy, i cili bëri të ditur se bëhet fjalë për pjesë tunelesh me një gjatësi totale prej rreth 9 kilometrash.
Ministri turk, duke folur në një konferencë për shtyp në Kahramanmaraş, tha se punimet për pastrimin dhe restaurimin e pjesëve të aksesueshme kanë nisur tashmë, duke theksuar se në disa pika hyrja pengohet nga shembjet.
“Sapo të përfundojnë punimet, mund të vlerësojmë hapjen e pjesëve të përshtatshme dhe të sigurta për vizitorët”, theksoi ai.
Përmendja e ministrit për rrjetet nëntokësore vjen në vijim të një deklarate që ai kishte bërë në shkurt të vitit 2026, kur kishte njoftuar evidentimin e tuneleve që datojnë rreth 1,600 vjet më parë.
Punimet e mirëmbajtjes në “Shën Sofi”
Ndërkohë, Mehmet Nuri Ersoy u referua edhe punimeve të restaurimit, mirëmbajtjes dhe përforcimit strukturor që po kryhen në Shën Sofi, duke pretenduar se bëhet fjalë për ndërhyrjet më gjithëpërfshirëse në historinë e Republikës së Turqisë, «me synimin – siç tha ai – për t’ia përcjellë në mënyrë të sigurt brezave të ardhshëm këtë ndërtesë gati 1,500-vjeçare».
Sipas tij, në kuadër të punimeve kanë përfunduar restaurimi i varreve, i Shkollës së Fëmijëve, i Kullës së Sahatit dhe i dyshemesë së galerisë, ndërsa ka përfunduar edhe përforcimi strukturor i minares verilindore.
Ministri turk i Kulturës theksoi gjithashtu se në kupolën kryesore vijojnë punimet për përforcimin strukturor dhe mirëmbajtjen e mozaikëve. «Është përfunduar çatia e përkohshme metalike dhe sistemi mbrojtës i mbulimit për mbrojtjen e kupolës kryesore. Falë një platforme të posaçme të krijuar në pjesën e brendshme, po kryhen punime për dokumentimin, pastrimin dhe mirëmbajtjen e mozaikëve në kupolë, ndërsa vijojnë aktivitetet e adhurimit dhe vizitat», deklaroi ai.
«Analizat strukturore kanë evidentuar gjithashtu nevojën për përforcim në gjysmëkupolën lindore. Në këtë pjesë, paralelisht me përforcimin e sistemit mbështetës, nis një fazë e re për mirëmbajtjen e mozaikëve, dekorimeve të pikturuara dhe sipërfaqeve prej mermeri», shpjegoi Mehmet Nuri Ersoy. /PiranjatNews/
Kültür ve Turizm Bakanı Mehmet Nuri Ersoy: ➖ "Ayasofya-i Kebir Cami-i Şerifi'nde yaklaşık 9 kilometreye kadar uzanan tünel ağından söz ediliyor." ➖ "Çalışmalar tamamlandıktan sonra ziyarete açılmasını değerlendirebiliriz." https://t.co/rRuzOBesaC
