Kreu i PD Sali Berisha është kthyer në Tiranë pas vizitës në SHBA, ku në një prononcim të shkurtër nga Rinasi ...
LIFESTYLE
Arben Idrizi në mesin e 14 të nominuarve për Çmimin Evropian për Letërsi
PiranjatPërditësimi i fundit 3 Mars 2026, 12:06
Shkrimtari dhe përkthyesi shqiptar Arben Idrizi është nominuar për çmimin prestigjioz European Union Prize for Literature (EUPL), duke u përfshirë në listën e 14 autorëve të përzgjedhur për edicionin e këtij viti. Ky çmim, i themeluar në vitin 2009, synon të promovojë autorët bashkëkohorë evropianë dhe të forcojë dialogun kulturor brenda hapësirës së Bashkimit Evropian.
Idrizi garon me librin e tij me tregime “Njeriu që habitej dhe tregime të tjera”, një vepër që trajton temat e dhunës, traumës dhe përjetimit të historisë si gjendje ekzistenciale. Në qendër të rrëfimit është Isak Kodra, një i mbijetuar i një masakre lufte, i cili mbetet i ngërthyer në një gjendje të përhershme habie pas përballjes me dhunën ekstreme. Përmes tregimeve të ndërlidhura, autori ndërton një narrativë ku historia, kujtesa dhe absurditeti shndërrohen në pjesë të pandashme të identitetit njerëzor.
I lindur në vitin 1974, Idrizi është autor i njëmbëdhjetë librave, kryesisht në poezi, si dhe i një vëllimi me tregime. Krahas krijimtarisë së tij letrare, ai ka sjellë në shqip vepra të autorëve evropianë si Valerio Magrelli, Tino Caspanello, Roberto Calasso, Giacomo Leopardi dhe Cesare Pavese.
