Blenë "mjaltë me energji të lartë" në internet, tre të rinj përfundojnë në spital. 17-vjeçari rëndë! Ja çfarë përmbante

Tre të rinj, 17, 19 dhe 22 vjeç, përfunduan në urgjencë në gjendje të dukshme dehjeje/alterimi pasi kishin konsumuar atë që në internet quhet "mjalti për t’u droguar" (miele da sballo). Më i vogli prej tyre ishte gjithashtu në një krizë të rëndë respiratore.

Ngjarja ndodhi në Arzano, pranë Napoli. Sipas rindërtimit të parë të ngjarjes, të rinjtë ishin mbledhur në shtëpinë e 17-vjeçarit dhe aty konsumuan substancën narkotike. Droga e njohur si wax (një formë shumë e përqendruar e kanabisit) dyshohet se ishte blerë në internet.

Të rinjtë kishin provuar vetëm një sasi shumë të vogël, jo më shumë se një lugë çaji, por menjëherë pas konsumimit filluan të ndiheshin keq dhe u desh të transportoheshin në spital. Prindërit e të miturit ndodheshin në shtëpi dhe telefonuan menjëherë numrin e urgjencës 118. Kavanozi që përmbante substancën narkotike me konsistencë xhelatinoze iu dorëzua karabinierëve drejtpërdrejt nga babai i 17-vjeçarit. Sipas verifikimeve të para të shpejta, përmbajtja e kavanozit – e cila u sekuestrua – rezultoi pozitive për kanabinoide (substanca të lidhura me kanabisin).

Dy të rinjtë e tjerë, 19 dhe 22 vjeç, janë në gjendje shoku, por fatmirësisht janë liruar tashmë nga spitali. Ndërkohë, 17-vjeçari u transferua në repartin e reanimacionit të Ospedale San Paolo, ku ndodhet me prognozë të rezervuar dhe në rrezik për jetën. Kjo do të thotë se gjendja e tij është shumë e rëndë dhe mjekët nuk mund të japin ende një parashikim të sigurt për ecurinë e shëndetit të tij. /PiranjatNews/