Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
LIFESTYLE
Djali i ngeli në provim, zyrtari komunal bën për spital kryetarin e jurisë
PiranjatPërditësimi i fundit 21 April 2026, 18:35
Ai u drejtua pa hezitim drejt godinës së Bashkisë së Pompeit, pasi kishte marrë vesh se djali i tij ishte rrëzuar në një konkurs publik të shpallur pikërisht nga administrata lokale. Ai priti sekretarin e bashkisë, i cili ishte edhe kryetar i komisionit të provimit, dhe e sulmoi fillimisht me fjalë fyese, pastaj me shpulla.
Burri i denoncuar është Massimo Malafronte, këshilltar komunal i mazhorancës në qytet. Viktimë e zemërimit të tij si prind ishte Vittorio Martino, të cilit mjekët e urgjencës i rekomanduan pesë ditë pushim absolut pasi i diagnostikuan një traumë të lehtë në kokë.
Provimi i dështuar dhe shuplakat për hakmarrje
Në fund të marsit ishin paraqitur rreth 500 kandidatë për nëntë vendet e disponueshme si instruktorë administrativë në bashki, një rol i shoqëruar me kontratë pune të përhershme. U zhvilluan dy prova me shkrim, pas të cilave djali i Malafrontes nuk u vlerësua si i përshtatshëm nga komisioni i kryesuar nga sekretari i bashkisë.
Këshilltari komunal e ka ndalur Vittorio Martino teksa ai po zbriste shkallët e godinës së bashkisë. Fillimisht e ka sulmuar duke ngritur zërin, më pas ka kaluar në dhunë fizike duke e goditur në fytyrë, sipas denoncimit të bërë nga sekretari i bashkisë. /PiranjatNews/
