Në fjalën e saj në Komisionin për Evropën dhe Punët e Jashtme, deputetja e PD, Albana Vokshi ka ngritur me tone të forta &cce...
LIFESTYLE
E trishtë/ Humbja e djalit e çon nënën drejt vendimit ekstrem. Historia që po trondit opinionin
PiranjatPërditësimi i fundit 23 April 2026, 23:26
Një nënë, e paaftë të durojë dhimbjen e papërshkrueshme të humbjes së fëmijës së saj të vetëm në një aksident, ka vendosur t’i japë fund jetës së saj në një klinikë eutanazie të asistuar në Zvicër.
Pas një viti ku, siç pohon Wendy Duffy, ka luftuar me veten me mijëra mendime që i kalonin nëpër mendje çdo ditë, ajo ka deklaruar:
“Dua të vdes dhe kjo është ajo që do të bëj. Jeta ime, zgjedhja ime”, duke portretizuar qartë qëndrimin e saj ndaj hapit të radhës.
Duke folur për gazetën Daily Mail, ajo flet për “një dhimbje që nuk shuhet, një boshllëk që nuk mund të mbushet dhe një jetë të përditshme që ka humbur kuptimin e saj”.
Sipas raportimeve, Wendy Duffy i ka njoftuar tashmë anëtarët e familjes për qëllimin e saj, por pa u bërë e ditur data e saktë e udhëtimit, për të shmangur pasojat e mundshme ligjore.
Kërkesa e saj është shqyrtuar nga klinika zvicerane Pegasos, ku është vlerësuar nga një komitet i posaçëm me psikiatër, të cilët kanë studiuar historikun e saj mjekësor. Ajo aktualisht nuk vuan nga ndonjë sëmundje fizike apo çrregullim mendor.
Sipas raportimeve, Wendy kishte tentuar më parë vetëvrasje pa sukses, gjë që ndikoi në vendimin e saj për të kërkuar një procedurë të kontrolluar dhe ligjore. Klinika vepron si organizatë jofitimprurëse, ku të interesuarit mbulojnë kostot e procedurës.
Ajo ka zgjedhur ta ndajë publikisht historinë e saj pak para udhëtimit, duke përshkruar vendimin që, sipas saj, e ka marrë me ndërgjegje të plotë.
