Ekspertët paralajmërojnë: Orizi i bardhë rrit shpejt sheqerin në gjak!

Ekspertët paralajmërojnë se orizi i bardhë rrit shpejt sheqerin në gjak, pasi ka pak fibra dhe proteina, duke shkaktuar lodhje ose dridhje pas pak kohe.

Orizi kaf, nga ana tjetër, ka më shumë fibra dhe vitamina, prandaj ndikon më ngadalë në sheqer. Mënyra e përgatitjes ka gjithashtu rëndësi; ftohja e orizit të bardhë dhe ngrohja më pas e bën më “të ngadalshëm” për sheqerin në gjak. Po ashtu, kombinimi me proteina, yndyrna të shëndetshme dhe perime me fibra ndihmon në stabilizimin e sheqerit.

Ekspertët këshillojnë gjithashtu kontrollin e madhësisë së porcionit dhe përdorimin e drithërave të tjera si quinoa, elbi apo tërshëra për të mbajtur sheqerin në nivel normal.

Gjatë ditës, të gjithë kemi luhatje humori. Kjo mund të jetë për shkak të faktorëve të ndryshëm, dhe dieta është një prej tyre. Dhe kjo ka kuptim, pasi ushqimi është “karburanti” kryesor i trupit.

Ekzistojnë ushqime të ndryshme që “vjedhin” energjinë tonë dhe ulin nivelin tonë të energjisë. Përmbajtja e lartë e yndyrës në ushqimet e skuqura e kombinuar me mungesën e fibrave rezulton në ngadalësimin e tretjes, prandaj trupit i duhet shumë kohë për të shfrytëzuar lëndët ushqyese që i nevojiten për të prodhuar energji.

Karbohidratet e rafinuara, të tilla si ato që gjenden në makaronat e bardha, bukën e bardhë dhe orizin e bardhë, shkaktojnë një rritje të ndjeshme të niveleve të sheqerit në gjak, gjë që përkthehet në një rritje të ndjeshme të niveleve të energjisë.

Sasia e lartë e sheqerit që përmbajnë e kombinuar me përmbajtjen e ulët të fibrave çon në urinë dhe përgjumje gjatë ditës, shkruan gazeta shëndeti. Drithërat e plota janë një zgjedhje më e mirë, pasi fibra siguron një rrjedhë të qëndrueshme energjie për më shumë orë.