Hapet rruga gjyqësore për operatorët e naftës që kanë paditur shtetin për mënyrën e përcaktimit të &cce...
LIFESTYLE
El Niño më i fortë i kohëve moderne është shumë afër! Çfarë po e ndryshon motin e planetit
PiranjatPërditësimi i fundit 21 Gusht 2026, 18:42
enomeni klimatik El Niño pritet të jetë ndër më të fuqishmit e regjistruar në më shumë se një shekull, duke sjellë pasoja të forta në klimën globale dhe duke rritur mundësinë që viti 2027 të jetë viti më i ngrohtë i regjistruar ndonjëherë. Paralajmërimi vjen nga Adam Scaife, përgjegjës për parashikimet afatgjata në Shërbimin Meteorologjik Britanik (Met Office), i cili tha për BBC-në se parashikimet aktuale tregojnë për një fenomen të pazakontë për nga intensiteti.
“Nuk kam parë kurrë diçka të tillë në parashikimet tona”, deklaroi Scaife, duke shtuar se El Niño pritet të arrijë në kulmin e tij me një rritje prej më shumë se tre gradësh të temperaturës së sipërfaqes së detit në një zonë referimi të Oqeanit Paqësor. Sipas tij, një nivel i tillë do të ishte i paprecedentë në të dhënat moderne klimatike.
El Niño është një fenomen natyror dhe i përkohshëm që përsëritet zakonisht çdo dy deri në shtatë vjet. Ai lidhet me ndryshime të mëdha në temperaturat e sipërfaqes së Oqeanit Paqësor dhe mund të ndikojë në modelet e motit në të gjithë botën. Në disa rajone sjell temperatura më të larta dhe kushte më të thata, ndërsa në të tjera mund të shkaktojë reshje të dendura, temperatura më të ulëta dhe ngjarje ekstreme të motit. Ekspertët paralajmërojnë se pasojat mund të jenë veçanërisht të forta në zonat tropikale. Sipas Scaife, disa pjesë të Amerikës së Jugut dhe Paqësorit perëndimor mund të përballen me thatësira ekstreme.
Ndikimi i fenomenit pritet të ndihet edhe në Evropë. Eksperti britanik tha se tashmë ka shenja se reshjet dhe stuhitë mund të shtohen në Mbretërinë e Bashkuar dhe në Evropën veriperëndimore, veçanërisht duke nisur nga nëntori. Ndërkohë, sipas parashikimeve të Met Office dhe ekspertëve të tjerë të klimës, intensiteti i pritshëm i El Niños mund të ndikojë ndjeshëm në temperaturat globale gjatë vitit të ardhshëm.
Nëse parashikimet konfirmohen, 2027 mund të thyejë rekordin për vitin më të ngrohtë të regjistruar ndonjëherë, me efektet e fenomenit që pritet të ndihen në pjesë të ndryshme të botës përmes valëve të të nxehtit, thatësirave, reshjeve ekstreme dhe stuhive më të fuqishme.
