Emri më i përdorur në Angli për djem gjatë vitit 2025 është mysliman. Ja emri më i famshëm për vajzat

Janë publikuar emrat më të njohur për foshnjat e lindura gjatë vitit 2025 në Angli dhe Uells, me Lily që është ngjitur në vendin e dytë për vajzat.

Emri Olivia ka ruajtur vendin e parë për vajzat për të dhjetin vit radhazi, ndërsa Muhammad ka qenë emri më i përdorur për djemtë për të tretin vit me radhë.

Amelia, që më parë renditej e dyta mes emrave të vajzave, ka rënë në vendin e tretë, ndërsa Noah mban vendin e dytë për djemtë. Në vendin e tretë për djemtë renditet Leo.

Lista, sipas BBC-së, u publikua nga Zyra Kombëtare e Statistikave e Britanisë (ONS) dhe bazohet në të dhënat e regjistrimeve të lindjeve gjatë vitit të fundit të plotë kalendarik.

Dhjetëshja e parë e emrave për vajza plotësohet nga Isla në vendin e katërt, e ndjekur nga Florence, Freya, Poppy, Elsie, Ivy dhe hyrja e re në listë, Isabella.

Për djemtë, pas Muhammad, Noah dhe Leo, renditen Luca, Arthur, Oliver, George, Oscar, Theodore dhe Freddie. /Piranjat News/