Ndarja e re territoriale dhe mundësia e bashkimit të Bashkisë Prrenjas me Librazhdin, kanë nxitur reagimin e qytetarëve, të cil&...
LIFESTYLE
Festë në fermë: DJ luan muzikë techno për dhitë e gomerët
PiranjatPërditësimi i fundit 6 Prill 2026, 10:28
Një ngjarje e pazakontë, por njëkohësisht mjaft interesante, është bërë virale së fundmi në rrjetet sociale. Një DJ ka zgjedhur për të performuar një skenë krejt ndryshe nga ato që jemi mësuar të shohim, jo klube nate apo festivale të mbushura me njerëz, por një fermë të qetë, mes natyrës.
Sipas përshkrimit që shoqëron videon, DJ-ja ka performuar një set të plotë muzikor për një “audiencë” të pazakontë dhi dhe gomarë. Ndërsa ai mikson këngët në mes të natyrës, kafshët afrohen afruar rreth tij, duke krijuar një atmosferë unike dhe të veçantë.
Ajo që e bën edhe më interesante këtë moment është mungesa totale e teknologjisë së zakonshme që shoqëron eventet muzikore, nuk kishte telefona, nuk kishte turma njerëzish që filmonin çdo sekondë. Vetëm kafshë që duket sikur “shijonin” muzikën në mënyrën e tyre.
Pamjet kanë ngjallur reagime të shumta online, ku shumë përdorues e kanë cilësuar këtë si një ndër “performancat më paqësore dhe autentike” që është parë ndonjëherë. Disa të tjerë e kanë parë si një rikthim simbolik te natyra dhe thjeshtësia, larg zhurmës dhe kaosit të përditshëm.
Në një kohë kur gjithçka bëhet për klikime dhe vëmendje, kjo skenë vjen si një kontrast i fortë: pa zhurmë, pa spektakël të madh, por me një “publik” që, në mënyrën e vet, duket se po kënaqen me muzikën.
