FOTO/ Anija e çuditshme që duket sikur po noton në qiell! A mund ta kuptoni çfarë po ndodh realisht?

Një mirazh misterioz i ka lënë britanikët “të habitur” pasi bëri që figura të çuditshme, rreth “100 metra” të larta, të shfaqeshin mbi det.

Format e pazakonta u materializuan përpara syve të disa pasagjerëve në një varkë pranë brigjeve të Cornwall. Fotografitë e fenomenit, të publikuara në Facebook nga St Ives Boats, duket se tregojnë figura gjigante që notojnë mbi horizont. Dëshmitarët i përshkruan objektet duke thënë se ato “ndryshonin formë” dhe shtuan se dukeshin sikur ishin “qindra metra të larta”.

Kompania turistike ndodhej në det kur vuri re fenomenin, gjatë një ekspedite safari në det.

Mësohet se mirazhet ishin në fakt një iluzion optik i quajtur Fata Morgana. Një Fata Morgana – i njohur edhe si mirazh – shkaktohet kur rrezet e dritës përkulen teksa kalojnë nga ajri i ftohtë pranë sipërfaqes së tokës në ajër më të ngrohtë mbi të. Përkulja e rrezeve të dritës krijon një iluzion optik që bën objektet të duken sikur po qëndrojnë pezull mbi tokë ose mbi det.

Besohet se kjo është ajo që shkaktoi iluzionin e çuditshëm optik pranë brigjeve të Cornwall.  Në një postim online, St Ives Boats tha: “Ishte surreale të shihnim këto ‘struktura’ gjigante dhe ndryshimet e çuditshme atmosferike, dhe ne bashkë me pasagjerët mbetëm të habitur në disa momente.” /PiranjatNews/

Galeria fotografike (

)